KSN прокси-сервері статистикасын қарау

KSN прокси-сервері – бұл Kaspersky Security Network инфрақұрылымы мен Басқару сервері басқаратын клиент құрылғылары арасындағы өзара іс-қимылды қамтамасыз ететін қызмет.

KSN прокси-серверін қолдану сізге келесі мүмкіндіктерді ұсынады:

• Клиент құрылғылары, тіпті интернетке тікелей қатынасу мүмкіндігі болмаса да, KSN бағдарламасына сұраулар жасай алады және KSN бағдарламасына ақпаратты жібере алады.
• KSN прокси-сервері өңделген деректерді кэштей отырып сыртқы желіге арнаға түсетін жүктемені азайтады және клиент құрылғысының сұралған ақпаратты алуын тездетеді.

Басқару сервері сипаттары терезесінде сіз KSN прокси-сервері параметрлерін конфигурациялай аласыз және KSN прокси-серверін пайдалану туралы статистикалық ақпаратты көре аласыз.

KSN прокси-сервері жұмысының статистикасын қарау үшін:

1. Консоль ағашында KSN статистикасын қарау қажет Басқару серверін таңдаңыз.
2. Басқару серверінің мәнмәтіндік мәзірінде Сипаттар тармағын таңдаңыз.
3. Басқару сервері сипаттары терезесінде, KSN Проксиі бөлімінде KSN Проксиі статистикасы бөлікшесін таңдаңыз.

   Бұл бөлімде KSN прокси-сервері жұмысының нақты статистикасы (кэштегі жазбалар саны, кэштегі өңделген пакеттер және қабылданған пакеттер саны) көрсетіледі. Сондай-ақ, Басқару сервері KSN желісіне қосылған болса, сәйкес ақпараттық хабарлар көрсетіледі.

   Қажет болса, қосымша әрекеттерді орындаңыз:

   • Жаңарту түймесі арқылы KSN прокси-серверін қолдану туралы статистикалық ақпаратты жаңартыңыз;
   • Файлға экспортталуда түймесі арқылы статистика деректерін CSV пішіміндегі файлға экспорттаңыз;
   • KSN қосылымын тексеру түймесі арқылы Басқару сервері қазіргі сәтте KSN бағдарламасына қосылғанын тексеріңіз.
4. Басқару сервері сипаттары терезесін жабу үшін OK түймесін басыңыз.

Басына оралу